ஜனாதிபதிக்கும், மு.கா.க்கும் 30 நிமிடங்கள் நடைபெற்ற சந்திப்பு - பசிலுடன் சந்திப்பு தொடரும்

ஸ்ரீலங்கா முஸ்லிம் காங்கிரஸூக்கும் ஜனாதிபதி மஹிந்த ராஜபக்ஷ தலைமையிலான குழுவினருக்கும் இடையில் அலரிமாளிகையில் நேற்று 29-11-2014 மாலை முக்கிய சந்திப்பொன்று இடம்பெற்றுள்ளது.

30 நிமிடங்கள் நீடித்த இச்சந்திப்பில், அடுத்தகட்ட நடவடிக்கையாக எதிர்வரும் சில தினங்களில் அமைச்சர் பசில்  ராஜபக்ஸ தலைமையில் மீண்டும் சந்திப்பொன்று நடைபெறவுள்ளது.

இச்சந்திப்பில் முஸ்லிம் காங்கிரஸ் முன்வைத்துள்ள பிரதான நிபந்தனைகள் தொடர்பில் சம்பந்தப்பட்ட அமைச்சர்களுடன் கலந்துரையாடவும் இணக்கம் தெரிவிக்கப்பட்டுள்ளது. இந்த கலந்துரையாடலின் பின்னர் கிடைக்கப்பெறும் சாதக பாதகங்களை கொண்டேன் ஜனாதிபதித் தேர்தலில் யாருக்கு ஆதரவளிப்பது என்ற தீர்மானத்தை முஸ்லிம் காங்கிரஸ் மேற்கொள்ளுமென கட்சியின் செயலாளர்  ஹசன் அலி, ஜப்னா முஸ்லிம் இணையத்திற்கு கூறினார்

ஜனாதிபதியின் அழைப்பின் பேரிலேயே இந்த சந்திப்பு இடம்பெற்றுள்ளது. இந்த சந்திப்பில் ஸ்ரீலங்கா முஸ்லிம் காங்கிரஸின் தலைவரும் அமைச்சருமான ரவூப் ஹக்கீம், செயலாளர் நாயகமும் எம்;.பியுமான ஹசன் அலி மற்றும் கல்முனை மேயர் நிசாம் காரியப்பர் ஆகியோரும் பங்கேற்றனர்.

ஜனாதிபதியுடன், அமைச்சர்களான அநுர பிரியதர்சன யாப்பா, பசில் ராஜபக்ஷமற்றும் டலஸ் அழகபெரும ஆகியோரும் பங்கேற்றனர்.

இந்த சந்திப்பின் போது, எதிர்வரும் ஜனாதிபதி தேர்தல் தொடர்பில் விரிவாக ஆராயப்பட்டதாக தெரிவிக்கப்படுகின்றது.