முஸ்லிம் அடிப்­ப­டை­வாதி­கள் எதி­ர­ணிக்கு ஆத­ரவு, மைத்திரி வெற்றிபெற்றால் பௌத்­தர்­க­ளுக்கு சாவு­ம­ணி­

மலே­சியா, சிங்­கப்பூர், இங்­கி­லாந்து ஊடாக இலங்­கைக்கு எதி­ரான சதித்­திட்டம் முன்­னெ­டுக்­கப்­ப­டு­வ­தோடு கோடிக்­க­ணக்­கான பணமும் பொது எதி­ர­ணிக்கு வந்து சேர்­கி­றது. எனவே ஜனா­தி­பதித் தேர்­தலில் இவ் அணி வெற்றி பெற்றால் அது சிங்­கள பௌத்­தர்­க­ளுக்கு சாவு­ம­ணி­யாக அமையும் என எச்­ச­ரிக்கை விடுக்கும் பொது­பல சேனா ஐ.எஸ்.ஐ.எஸ். அமைப்பு இலங்­கை­யிலும் தலை­தூக்­கலாம். எனவே உளவுப் பிரி­வினர் உஷா­ராக இருக்க வேண்­டு­மென்றும் அவ் அமைப்பு தெரி­வித்­தது.

கொழும்பு கிரு­லப்­ப­னை­யி­லுள்ள பொது­பல சேனா அலு­வ­ல­கத்தில் நேற்று செவ்­வாய்க்­கி­ழமை இடம்­பெற்ற ஊட­க­வி­ய­லாளர் மாநாட்­டி­லேயே இவ்­வாறு தெரி­விக்­கப்­பட்­டது. இங்கு உரை­யாற்­றிய பொது­ப­ல­சே­னாவின் பொதுச் செய­லாளர் கல­கொட அத்தே ஞான­சார தேரர்,

சந்­தி­ரி­காவின் 'ஈ' திட்­டத்தின் கீழ் சர்­வ­தேசம் மற்றும் தேசிய சதி­கா­ரர்கள் இணைத்­துக்­கொள்­ளப்­பட்டு நாட்டின் சமா­தா­னத்தை சீர்­கு­லைக்கும் நட­வ­டிக்­கைகள் முன்­னெ­டுக்­கப்­பட்டு வரு­கின்­றன.

பொது எதி­ர­ணியை சுற்றி முஸ்லிம், கிறிஸ்தவ அடிப்­ப­டை­வாதச் சக்­தி­களே உள்­ளன.புத்தர் மனித மாமிசம் உட்­கொண்டார் என பிர­சாரம் செய்த தௌஹீத் ஜமாத் அமைப்பு உட்­பட முஸ்லிம் அடிப்­ப­டை­வாத அமைப்­புக்­களும் கிறிஸ்­தவ அடிப்­ப­டை­வாத அமைப்­புக்­க­ளுமே பொது எதி­ர­ணிக்கு ஆத­ரவு வழங்­கு­கின்­றன.

இது மிகவும் பயங்­க­ர­மா­னது இவ் அணி வெற்றி பெற்றால் சிங்­கள பௌத்­தர்­க­ளுக்கு அதுவே சாவு­மணியாக அமையும்.அது மட்­டு­மல்­லாது பொது எதி­ர­ணியின் வேட்­பாளர் மைத்­தி­ரி­பால கூறு­கின்றார் 100 நாட்­க­ளுக்குள் நிறை­வேற்று அதி­காரம் ஒழிக்­கப்­ப­டு­மென்று.

மறு­புறம் ரணில் சொல்­கிறார் ஜே.ஆரின் அர­சி­ய­ல­மைப்பு முழு­மை­யாக ஒழிக்­கப்­ப­ட­மாட்­டாது. திருத்­தங்கள் மேற்­கொள்­ளப்­படும் என்­கிறார்.இவ் அணியில் ஒரே கொள்­கை­யு­டைய தலைவர் இல்லை. பலரும் பல்­வேறு கொள்­கை­களை கொண்­டுள்­ளனர்.

இவர்­களால் எப்­படி நாட்­டுக்கு தலை­மைத்­து­வத்தை வழங்க முடியும்.இந்த ஜனா­தி­பதி தேர்தல் நாட்­டுக்கு தீர்க்­க­மா­னது. சர்­வ­தேச, உள்­நாட்டு சதி­கா­ரர்­களால் நாடு சுற்றி வளைக்­கப்­பட்­டுள்­ளது.

மலே­சியா, இங்­கி­லாந்து, சிங்­கப்பூர் ஊடா­கவே இச்­சக்தி முன்­னெ­டுக்­கப்­ப­டு­வ­தோடு அந்­நா­டுகள் ஊடாக பல கோடி ரூபாய் இவ் அணிக்கு வந்து சேர்­கின்­றது.இந்­தி­யா­விலும் உல­கிலும் ஐ.எஸ்.ஐ.எஸ். முஸ்லிம் பயங்­க­ர­வாதம் வியா­பித்துக் கொண்டு வரு­கின்­றது. இலங்­கையின் கிழக்கில் முஸ்லிம் பயங்­க­ர­வாத அமைப்­புக்கள் தலை­தூக்கி வரு­வ­தாக அமெ­ரிக்க உளவுப் பிரி­வான சி.ஐ.ஏ. யும் எச்­ச­ரிக்கை விடுத்­துள்­ளது. தொழில் செய்­யாமல் கஷ்­டப்­ப­டாமல் பணம் உழைக்கக் கூடி­ய­துதான் பயங்­க­ர­வாதம். எனவே எமது உளவுப் பிரி­வினர் உஷா­ராக இருக்க வேண்டும்.

பணம் கொடுத்து எத­னையும் செய்யும் நிலைமை நாட்­டுக்குள் தலை தூக்­கி­யுள்­ளது.கடந்த காலங்­களில் இங்கு வந்த வெளி­நாட்­ட­வர்கள் பணம் கொடுத்து தேசிய அடை­யாள அட்டை கடவுச் சீட்­டுக்­களை பெற்­றனர்.

இது தொடர்பில் நாங்கள் பாது­காப்பு தரப்­பி­ன­ருக்கு அறி­வித்து அதற்­கெ­தி­ரான நட­வ­டிக்­கைகள் எடுக்­கப்­பட்­டன. வெளி­நாட்­ட­வர்கள் ஏன் இங்கு வந்து இவற்றை பெற வேண்டும். எதற்­காக என்­பது தொடர்பில் அவ­தா­ன­மாக இருக்க வேண்டும்.

எனவே எதிர்வரும் ஜனாதிபதித் தேர்தலில் நாட்டை நினைத்து வாக்களியுங்கள் என்றும் ஞானசார தேரர் தெரிவித்தார்.இந்த ஊடகவியலாளர் மாநாட்டில் பொதுபல சேனாவின் தேசிய அமைப்பாளர் விதாரன்தெனியே நந்ததேரர், நிர்வாகப் பணிப்பாளர் கலாநிதி டிலந்த விதானகேயும் கலந்து கொண்டனர்.